2017年7月26日  星期三  農曆  闰六初四
首頁 > 娛樂 >
即時新聞

認當年不滿被雪跳槽過無綫 陳展鵬待遇同陳豪睇齊

[2017-01-11]

文、圖:駱震寧

 

今期《東周刊》報道指前亞視高層楊紹鴻去年出書,爆陳展鵬因發少爺仔脾氣拒拍李小龍宣傳片而被雪藏半年,一怒之下才跳槽TVB。陳展鵬昨日出席TKO Gateway開幕禮直認其事:「當年拍李小龍特輯,要我着李小龍經典嗰套黃色緊身衫。我話出街喎,可唔可以畀我練吓先,當時廿幾歲仲好瘦。雖然亞視收視係唔係咁理想,但都想做好件事。之後我幫亞視做嘢半年都係無約喺身,因為正值有高層變動,當時我幫亞視做嘢人工都唔知點計。(亦有報道指你出席首映禮被冷待而躲藏廁所哭泣?)匿埋喺廁所啫,無喊!有次無人理,咁下次自己梗係搵位避啦,差唔多時間咪喺廁所出返嚟囉!」
提到有指去年展鵬續約大台時要求待遇跟陳豪及鄭嘉穎等睇齊,每集酬勞由3千加至3萬元,展鵬回應:「我有睇到報道,如果每集3萬元,我一年拍兩套,我咪好快上車,但我而家都未上車,我需要繼續努力。」

都市網推薦新聞

熱點新聞